Tagalog Almirol Recipe

Due to insistent public demand, I am giving you the Tagalog Almirol Recipe.

Please share your experiences with almirol or any form of starching. So far, I have tried Niagara, Faultless, Glide and gawgaw. There are so many new brands in the grocery now. Post your reviews in the comments section or email them to me.

Almirol Recipe:

1. Ilagay ang gawgaw sa isang palangganang may tubig na galing sa gripo. Ang dami ng gawgaw na gagamitin ay depende sa dami ng barong na kailangang i-almirol. Siguraduhing ang dami ng tubig sa palanggana ay tama lamang para tunawin ang gawgaw.
2. Haluin ang gawgaw at tubig hanggang mawala ang mga namumuong gawgaw.
3. Dahan-dahang dagdagan ng mainit na tubig ang palanggana. Patuloy na haluin ito para hindi mamuo.
4. Para lumamig ang almirol at hindi ka mapaso, dagdagan ito ng tubig galing sa gripo.
5. Kapag tamang-tama na ang timpla, hindi masyadong malapot at hindi rin naman masyadong malabnaw, ibabad ang bagong labang barong ng mga 15 minuto.
6. Pigain ang barong at ipagpag ito. Kapag hindi ito pinagpag, magbubuo-buo ang gawgaw sa barong.
7. Isampay ang barong.
8. Kunin ang barong bago ito tuluyang matuyo (medyo basa pa). Importanteng medyo basa ang barong bago plantsahin. Kung tuyo na ito nung kunin sa sampayan, wisikan ito ng konting tubig bago plantsahin.